વાંદરાની વાત

      એકવાર વૈજ્ઞાનિક વાંદરા પર સંશોધન કરી રહ્યો હતો. તેને એક વાંદરાને પાંજરામાં પૂર્યો, અને પાંજરામાં એક દોરી લટકાવી જે દોરી ખેંચાતા એકદમ ઠડું પાણી વરસે. આમ તે વાંદરાએ પાંજરામાં લટકતી દોરીને ભૂલથી ખેંચી અને એકદમ ઠંડુ પાણી વરસ્યું, તે ઠંડીથી ધ્રુજવા લાગ્યો. હવે વૈજ્ઞાનિક આ પાંજરામાં બીજા વાંદરાને મૂક્યો. તે વાંદરો પાંજરા લટકેલી દોરી પકડવા જતો હતો પરંતુ પહેલા વાંદરાને ખબર હતી કે દોરી ખેંચશે તો ઠડું પાણી વરસશે, એટલે તેને દોરી પકડવા જતાં વાંદરાને માર્યો. પછી વૈજ્ઞાનિકે પહેલા વાંદરાને બદલી ને ત્રીજા વાંદરાને મૂક્યો, ત્રીજો વાંદરો તે દોરી ખેચવા જતો હતો તેથી બીજા નંબરના વાંદરાએ તેને માર્યો, આમ એક એક વાંદરો રોજ ઉમેરતો ગયો અને નવો વાંદરો દોરી પાસે જાય એટલે બધા વાંદરા તે વાંદરાને મારતા. ફક્ત પહેલા વાંદરાને ખબર હતી કે દોરી શા માટે ન ખેંચવી જોઈએ. 

        બોધ: આમ આ વાર્તા પરથી આપણને જાણવા મળે છે કે સમાજમાં પણ આવા કુરિવાજો જોવા મળે છે જે કેમ નિભાવવા જોઈએ? એ કોઈને ખબર નથી છતાં સમાજમાં આવી પ્રથાઓ ચાલતી આવે છે.